Асмалоўка: дамы і мары

Асмалоўка — гэта ўнікальны раён, бо тут узведзеныя дамы па тыпавых праектах. Гэта першыя тыпавыя дамы ў Мінску, якія з’явіліся разам з жылой забудовай раёнаў трактарнага і аўтамабільнага заводаў. Аднак, нягледзячы на тое, что забудова Асмалоўкі тыповая, яна мае выразныя мастацкія рысы і ў планіроўцы, і ў архітэктурнай марфалогіі. Яе паасобныя будынкі былі запраектаваныя рознымі архітэктарамі ў Дзяржаўных архітэктурных майстэрнях у Маскве, але планіроўку тэрыторыі давялося зрабіць аднаму з іх — Міхаілу Асмалоўскаму, які ў 1945-1951 гадах узначальваў Упраўленне па справах архітэктуры пры Савеце міністраў БССР. Менавіта яго прозвішча і дало народную назву гэтым кварталам пасярод колішняе Старажоўкі — «Асмалоўка».