Гісторыя Беларусі ад сярэдзіны XVIII ст. да пачатку ХХІ ст.

У сумеснай кнізе беларускіх дасьледчыкаў з польскага Беластоку разглядаюцца асноўныя моманты гісторыі Беларусі апошніх двух з паловай стагодзьдзяў. Шмат увагі прысьвечана падзеям на даўнім Падляшшы і больш позьняй Беласточчыне, якая зьявілася пад канец XVIII ст., разам з падзеламі Рэчы Паспалітай, сьпярша
|як прускі дэпартамэнт, а пасьля як расейская вобласьць. Аўтары, нягледзячы на сваё польскае грамадзянства, адстойваюць перш за ўсё беларускі, а ня польскі пункт гледжаньня на гістарычныя падзеі, але без празьмернага шанаваньня беларускіх гістарычных мітаў.