З гісторыі і культуры Вялікага Княства Літоўскага

Кнігу вядомага польскага літуаніста складаюць артыкулы, прысвечаныя пераважна маладаследаваным праблемам сацыяльна-палітычнай і канфесійна-культурнай гісторыі ВКЛ. Выбраныя працы дэманструюць шырыню даследчыцкіх інтарэсаў і нетыповасць падыходу ў вучонага, заслужанага і для беларускай гістарыяграфіі.
Выданне разлічанае на гісторыкаў, студэнтаў гістарычных факультэтаў і ўсіх, хто цікавіцца даўняй гісторыяй Беларусі.
Па-беларуску працы М. Космана, прафесара універсітэта Адама Міцкевіча ў Познані, стваральніка і загадчыка Аддзела палітычнай культуры, сябра рэдакцыйнай рады БГА, выходзяць асобным выданнем упершыню. Гэты томік выбраных артыкулаў, прысвечаных пераважна малавывучаным праблемам гісторыі ВКЛ, не толькі несумненна зойме належнае месца ў кнігазборах беларускіх гісторыкаў ды аматараў даўніны, але будзе і нашым сціплым сведчаннем прызнання заслуг Аўтара.(З прадмовы укладальніка)