Невядомая велічыня

Першазмест усіх вершаў невядомая велічыня, — сведчыць Алесь Разанаў. — Застаючыся ў вершы, яна па-за вершамі, яна відушчая, але самой яе не відаць, дзякуючы ёй кшталты набываюць азначэнні, а словы найменні, аднак сама яна ўхіляецца ад найменняў і азначэнняў, і самае большае, што верш здольны зрабіць — выявіць яе прысутнасць.

Кнігу склалі гутаркі, артыкулы, водгукі, згадкі, выступленні як на беларускай мове, так і на рускай, яна ў працяг папярэдняй «З апокрыфа ў канон» (2010).