Пяты этап: Раман

Слынны пісьменьнік Сяргей Пясэцкі паходзіць зь Беларусі (нарадзіўся ў Ляхавічах). Найбольш знакаміты твор пісьменьніка раман «Каханак Bялікай Мядзьведзіцы» (напісаны у 1937 г.).
Раман «Пяты этап» — першая кнiгa празаіка. Напісаны ў 1934 г., рукапіс не прапусьціла турэмная цэнзура, таму твор выйшаў ў сьвет ужо пасьля зьяўленьня «Каханка…». Раман апавядае не столькі пра вядомае ўжо нам жыцьцё перамытнікаў на ракаўска-стаўпецкім памежжы, колькі пра шпіёнска-дыверсійныя калізіі, жыва й вобразна узноўленыя аўтарам, чыя маладосьць прайшла пад бел-чырвона-белым штандарам у беларускіх партызанцкіх атрадах «зялёнадубаўцаў».
Пераклад зроблены па першавыданню:
Sergiusz Piasecki Piaty etap. Warszawa:
Towarzystwo wydawnicze «Roj», 1938.